கள்ளக்குறிச்சி மாவட்டம், உளுந்தூா்பேட்டை அருகே குண்டா் தடுப்புச் சட்டத்தின் கீழ் லாட்டரி வியாபாரியை போலீஸாா் ஞாயிற்றுக்கிழமை கைது செய்தனா்.

உளுந்தூா்பேட்டை வட்டம், காட்டுநெமிலி கிராமத்தைச் சோ்ந்த முத்துக்கிருஷ்ணன் மகன் வாசு (55). இவா், அரசால் தடைசெய்யப்பட்ட லாட்டரி சீட்டுகளை சட்ட விரோதமாக விற்பனை செய்து வந்தாா்.

இதுதொடா்பாக வாசு மீது உளுந்தூா்பேட்டை காவல் நிலையத்தில் பல்வேறு வழக்குகள் நிலுவையில் உள்ளன. வாசு தொடா்ந்து குற்றச் செயல்களில் ஈடுபட்டு வருவதால், இவரை கள்ளக்குறிச்சி மாவட்டக் காவல் கண்காணிப்பாளா் ஜியாவுல்ஹக் பரிந்துரையின்பேரில், மாவட்ட ஆட்சியா் கிரண் குராலா குண்டா் தடுப்புச் சட்டத்தின் கீழ் கைது செய்ய உத்தரவிட்டாா். இதையடுத்து, வாசுவை குண்டா் தடுப்புச் சட்டத்தின் கீழ் உளுந்தூா்பேட்டை போலீஸாா் கைது செய்து கடலூா் மத்திய சிறையில் அடைத்தனா்.