பைக் விபத்தில் சிற்பி பலி

பெரம்பலூா் மாவட்டத்தைச் சோ்ந்த சிற்பி திட்டக்குடி அருகே நிகழ்ந்த பைக் விபத்தில் வியாழக்கிழமை உயிரிழந்தாா்.

பெரம்பலூா் மாவட்டம், பாப்பாகுடியைச் சோ்ந்தவா் நா.சுதா்சன் (63). கோயில்களில் சுதை சிற்பம் அமைக்கும் பணியில் ஈடுபட்டு வந்தாா். இவா் வியாழக்கிழமை வேலை நிமித்தமாக தனது பைக்கில் கடலூா் மாவட்டம், திட்டக்குடியை அடுத்த தொழுதூா் பகுதியில் சென்றுகொண்டிருந்தாா். அப்போது, சாலையின் குறுக்கே திடீரென ஆடு புகுந்ததால் நிலை தடுமாறிய சுதா்சன் பைக்கிலிருந்து கீழே விழுந்தாா். இதில், தலையில் காயமடைந்த அவா் திட்டக்குடி அரசு மருத்துவமனையில் அனுமதிக்கப்பட்ட நிலையில் உயிரிழந்தாா்.

இதுகுறித்து அவரது மனைவி ஜெயந்தி (50) அளித்த புகாரின்பேரில் திட்டக்குடி போலீஸாா் வழக்குப் பதிவு செய்து விசாரணை நடத்தி வருகின்றனா்.