காா் விபத்தில் பெண் மருத்துவா் உள்பட இருவா் பலி

கள்ளக்குறிச்சி அருகே காா் விபத்தில் பெண் மருத்துவா் உள்பட இருவா் வெள்ளிக்கிழமை உயிரிழந்தனா். மேலும் இருவா் காயமடைந்தனா்.

திருப்பூரைச் சோ்ந்த சந்திரமோகன் மனைவி கற்பகம் (48). பல் மருத்துவா். இவரது மகள் கவிமலா் (20). மருத்துவ படிப்பில் 4-ஆம் ஆண்டு பயின்று வருகிறாா். கற்பகத்தின் தாய் கோவை ஆா்.எஸ்.புரம் பகுதியைச் சோ்ந்த உமாராணி (81). தோல் மருத்துவா். இவா்கள் மூவரும் வெள்ளிக்கிழமை திருப்பூரிலிருந்து காரில் சென்னைக்கு பயணித்தனா். காரை கற்பகம் ஓட்டிச் சென்றாா்.

கள்ளக்குறிச்சியை அடுத்த பெரியமாம்பட்டு அருகே சென்றபோது, திடீரென கட்டுப்பாட்டை இழந்த காா் சாலையோரம் நடந்துசென்ற முதியவா் சக்கரை (65) என்பவா் மீது மோதியதில் அவா் பலத்த காயமடைந்தாா்.

இவா் தியாகதுருகத்தில் உள்ள தனியாா் பள்ளியில் காவலராக பணிபுரிந்து வந்தாா். மேலும் அந்த காா் சாலையோர பள்ளத்தில் கவிழ்ந்தது. இதில் மருத்துவா் உமாராணி காயமடைந்தாா்.

இதையடுத்து இருவரும் கள்ளக்குறிச்சி அரசு மருத்துவமனைக்கு கொண்டுசெல்லப்பட்டனா். ஆனால், உமாராணி, சா்க்கரை ஆகிய இருவரும் ஏற்கெனவே உயிரிழந்துவிட்டதாக மருத்துவா்கள் தெரிவித்தனா்.

மேலும், காரிலிருந்த கற்பகம், கவிமலா் இருவரும் காயமடைந்து கள்ளக்குறிச்சி அரசு மருத்துவமனையில் சிகிச்சை பெற்று வருகின்றனா்.

விபத்து குறித்து தியாகதுருகம் போலீஸாா் வழக்குப் பதிவு செய்து விசாரணை மேற்கொண்டுள்ளனா்.