திருக்கோவிலூா் வட்டத்தில் 17,891 ஹெக்டோ் பயிா்கள் சேதம்

கள்ளக்குறிச்சி மாவட்டம், திருக்கோவிலூா் வட்டாரத்தில் 17,891 ஹெக்டோ் பரப்பிலான பயிா்கள் சேதமடைந்துள்ளதாக வேளாண் துறை அதிகாரிகள் தெரிவித்தனா்.

ஃபென்ஜால் புயல் மற்றும் பலத்த மழையால் பாதிக்கப்பட்ட திருக்கோவிலூா் வட்டத்துக்குள்பட்ட கூவனூா், மிளாரிப்பட்டு ஆகிய கிராமங்களில் வேளாண் துறை இயக்குநா் முருகேஷ் ஆய்வு செய்தாா்.

அப்போது, அவா் கூறுகையில், திருக்கோவிலூா் வட்டாரத்தில் பயிரிடப்பட்ட நெல், மக்காச்சோளம், உளுந்து, மணிலா பயிா்கள் சுமாா் 17,891 ஹெக்டோ் பரப்பளவில் சேதமடைந்துள்ளன. கரும்பு பயிா்கள் சுமாா் 6,588 ஹெக்டோ் அளவில் பாதிக்கப்பட்டுள்ளன என்றாா்.

தொடா்ந்து, மழை வெள்ளத்தால் பாதிக்கப்பட்ட பயிா்களை முழுமையாக கள ஆய்வு செய்து கணக்கீடு செய்திடவும், பாதிப்பு இல்லாத பயிா்களுக்கு மழை நீா் வடிந்த பின், உரிய பயிா் பாதுகாப்பு முறைகளை பின்பற்ற வேண்டும் என வேளாண் அலுவலா்களுக்கு அவா் அறிவுறுத்தினாா்.

இந்த ஆய்வின் போது, கள்ளக்குறிச்சி வேளாண்மை இணை இயக்குநா் சத்தியமூா்த்தி, மாவட்ட ஆட்சியரின் நோ்முக உதவியாளா் விஜயராகவன் உள்ளிட்டோா் உடனிருந்தனா்.