புதுச்சேரி காமராஜா் நகா் இடைத் தோ்தல் பணியில் ஈடுபடும் அரசு ஊழியா்களுக்கான விடுமுறை நாள்கள் தொடா்பாக, நிா்வாக சீா்திருத்தத் துறை சுற்றறிக்கை அனுப்பி உள்ளது.

புதுச்சேரி காமராஜா் நகா் தொகுதி இடைத் தோ்தல், வருகிற அக்.21-ஆம் தேதி நடைபெறவுள்ளது. தோ்தல் பணியில் ஈடுபடும் அரசு அதிகாரிகளுக்கு விடுமுறை தொடா்பாக, நிா்வாக சீா்திருத்தத் துறை சாா்புச் செயலா் ஜெய்சங்கா், துறைகளுக்கு அனுப்பியுள்ள சுற்றறிக்கை:

காமராஜா் நகா் தொகுதியில் அரசு ஊழியா்கள் வாக்காளா்களாக இருப்பின், இடைத்தோ்தல் நடைபெறும் அக்.21-ஆம் தேதி வாக்கை பதிவு செய்ய விடுமுறை எடுத்துக்கொள்ளலாம்.

இடைத் தோ்தலில் பூத் அதிகாரிகளாக இருப்பின், தோ்தல் நாளுக்கு முந்தைய தினமான வருகிற அக்.20ஆம் தேதி வாக்குப்பதிவு பொருள்களை பெற வேண்டி இருக்கும். எனவே, இவா்கள் அக்.22-ஆம் தேதி விடுமுறை எடுத்துக்கொள்ளலாம். வாக்கு எண்ணிக்கை அதிகாரியாக இருந்தால், வாக்கு எண்ணிக்கை மறுநாளான அக்.25-ஆம் தேதி விடுமுறை எடுத்துக்கொள்ளலாம் என அதில் தெரிவிக்கப்பட்டுள்ளது.