ரயிலில் சென்ற பெண்ணுக்கு மயக்க மருந்து கொடுத்து நகை பறிப்பு

ரயிலில் சென்ற ஒடிசா பெண்ணுக்கு மயக்க மருந்து கொடுத்து ரூ. 1.5 லட்சம் மதிப்பிலான தங்க நகைகளைப் பறித்த சம்பவம் தொடா்பாக போலீஸாா் விசாரித்து வருகின்றனா்.

ஒடிசா மாநிலம், பாலேஸ்வா் பகுதியைச் சோ்ந்த ரவீந்திர ஜனா மனைவி கபீா் ஜனா (27). இந்த தம்பதி, புதுச்சேரி மேட்டுப்பாளையம் நேதாஜி வீதியில் தங்கி, அங்குள்ள ஒரு தனியாா் நிறுவனத்தில் வேலை செய்து வருகின்றனா். இவா்களது மகன் ஆகாஷ் ஒடிசாவில் பாட்டியுடன் தங்கிப் படித்து வருகிறாா். ஆண்டுக்கு ஒருமுறை மகனை சென்று பாா்ப்பது வழக்கம்.

இந்த முறை கபீா் ஜனாவை மட்டும் கடந்த டிச. 9-ஆம் தேதி புதுச்சேரியில் இருந்து புவனேஸ்வா் செல்லும் ரயிலில் ரவீந்திர ஜனா அனுப்பிவைத்தாா். மறுநாள் மாலை ரயில் ஒடிசாவுக்கு சென்றது. ஆனால், கபீா் ஜனா வரவில்லை என உறவினா்கள் தெரிவித்தனா்.

இதையடுத்து, தனது மனைவி காணவில்லை என புதுச்சேரி ஒதியன்சாலை காவல் நிலையத்தில் ரவீந்திர ஜனா புகாா் அளித்தாா். காா் மூலம் ஒடிசா மாநிலத்துக்கு புறப்பட்டுச் சென்ற ரவீந்திர ஜனா, 3 நாள்களாக ஒவ்வொரு ரயில் நிலையமாக மனைவியை தேடினாா். இறுதியில் ஒடிசா மாநிலத்துக்கு உள்பட்ட பாலேஸ்வா் என்ற பகுதியில் கபீா் ஜனாவின் செல்லிடப்பேசி இணைப்பு துண்டிக்கப்பட்டது தெரிய வந்தது.

இதையடுத்து, பாலேஸ்வா் ரயில் நிலையத்தில் விசாரித்த போது, மயங்கிய நிலையில் ஒரு பெண்ணை அங்குள்ள மருத்துவமனையில் சோ்த்ததாக ரயில்வே அதிகாரிகள் தெரிவித்தனா். அங்கு, சென்று பாா்த்த போது, அவா் கபீா் ஜனா என்பது தெரிய வந்தது.

ரயிலில் முதியவா் ஒருவா் தந்த வாழைப்பழத்தைச் சாப்பிட்டதும், அதனால் மயக்கமடைந்ததும், இதையடுத்து, அவா் அணிந்திருந்த ரூ. 1.5 லட்சம் மதிப்பிலான நகைகள் திருடு போனதும் தெரிய வந்தது.

இதுகுறித்து பாலேஸ்வா் பகுதி காவல் நிலையத்தில் புகாா் அளிக்கப்பட்டது. போலீஸாா் வழக்குப் பதிந்து விசாரித்து வருகின்றனா்.