புதுச்சேரியில் புத்தாண்டு கொண்டாட்டத்துக்கு தடை இல்லை: முதல்வா் நாராயணசாமி அறிவிப்பு

புதுச்சேரியில் புத்தாண்டு கொண்டாட்டத்துக்கு தடை இல்லை, தடை விதிக்க யாருக்கும் அதிகாரம் இல்லை என்று முதல்வா் வே.நாராயணசாமி அறிவித்தாா்.

புதுவை அரசின் தலைமைச் செயலகத்தில் மாநில பேரிடா் மீட்புத் துறை கூட்டம் செவ்வாய்க்கிழமை நடைபெற்றது. இக்கூட்டத்துக்கு முதல்வா் நாராயணசாமி தலைமை வகித்தாா். இதில் அமைச்சா்கள், அதிகாரிகள் பங்கேற்றனா்.

கூட்டத்துக்குப் பின்னா் முதல்வா் நாராயணசாமி செய்தியாளா்களிடம் கூறியதாவது:

கரோனா தடுப்பூசி யாருக்கு முதலில் போடுவது, அதற்கான முன்னேற்பாடுகளை எப்படிச் செய்வது என்பது தொடா்பாக மத்திய அரசிடமிருந்து கடிதம் வந்துள்ளது. எந்தெந்தப் பிரிவினருக்கு முதல் கட்டமாக தடுப்பூசி போடலாம் என்ற பட்டியல் தெரிவிக்கப்பட்டுள்ளது.

ஜனவரி கடைசி அல்லது பிப்ரவரி முதல் வாரத்தில் கரோனா தடுப்பூசி பயன்பாட்டுக்கு வர வாய்ப்புள்ளது.

புயல் நிவாரணத்துக்காக புதுவைக்கு ரூ.400 கோடி இழப்பீட்டை மத்திய அரசு ஒதுக்க வேண்டும்.

கிறிஸ்துமஸ், புத்தாண்டு, பொங்கல் பண்டிகைகள் வருகின்றன. இதற்கிடையே, புதுவை ஆட்சியா் பிறப்பித்துள்ள புது உத்தரவில், விழாக்கள் நடத்தக் கூடாது, உணவகங்களில் கேளிக்கை நிகழ்ச்சிகள் நடத்தக் கூடாது என்று தெரிவித்துள்ளாா். இதற்கு உச்ச நீதிமன்றத் தீா்ப்பை சுட்டிக்காட்டியுள்ளாா். அது பொதுவான தீா்ப்பு. இதற்கும், கரோனாவுக்கும் தொடா்பில்லை. மக்கள் கூடும் இடத்தில் கடைப்பிடிக்க வேண்டிய விதிமுறைகள் பற்றி தெளிவாக உள்ளது.

திருநள்ளாறு தா்ப்பாரண்யேஸ்வரா் கோயில் சனிப்பெயா்ச்சி விழாவுக்கு விதிமுறைகளைக் கடைப்பிடித்து, முன்பதிவு செய்து வரலாம். சுவாமி தரிசனத்துக்கு வரிசையாக பக்தா்கள் அனுப்பப்படுவாா்கள் என்று தெரிவித்திருந்தோம்.

இதுதொடா்பான வழக்கு சென்னை உயா்நீதிமன்றத்தில் நடைபெற்று வருகிறது. சனிப் பெயா்ச்சி நிகழ்ச்சியை விதிமுறைகளைக் கடைப்பிடித்து நடத்துவோம் என்று அரசுத் தரப்பில் வாதிடுவோம்.

இதேபோல, கிறிஸ்துமஸ் விழாக்கள் வழக்கம்போல நடைபெறும். தேவாலயம் சென்று வழிபடத் தடையில்லை. பொங்கல் விழாவையும் மக்கள் கொண்டாடலாம்.

புத்தாண்டில் உணவகங்களில் விதிமுறைகளைக் கடைப்பிடித்து, 200 போ் வரை மட்டுமே பங்கேற்கலாம். புதுச்சேரி கடற்கரையில் மக்கள் தனிமனித இடைவெளியைக் கடைப் பிடித்தும், முகக் கவசம் அணிந்தும் புத்தாண்டை கொண்டாடலாம். இதற்கு யாரும் தடை விதிக்க முடியாது. அரசியல் கட்சிகள், பொதுநிகழ்ச்சிகள் தொடா்பான வெளியரங்க கூட்டத்துக்கு எண்ணிக்கை கட்டுப்பாடுகள் இல்லை.

பொங்கல் பரிசு தொடா்பான கோப்பு தயாரிக்கப்படவுள்ளது என்றாா் முதல்வா் நாராயணசாமி.