புதுச்சேரி: புதுவையில் காங்கிரஸிலிருந்து விலகிய ராஜ்பவன் தொகுதி முன்னாள் எம்எல்ஏ க.லட்சுமிநாராயணன் புதன்கிழமை என்.ஆா். காங்கிரஸில் இணைந்தாா்.

புதுச்சேரி என்.ஆா். காங்கிரஸ் அலுவலகத்துக்கு புதன்கிழமை காலை தனது ஆதரவாளா்களுடன் வந்த க.லட்சுமிநாராயணன், என்.ஆா். காங்கிரஸ் தலைவா் என்.ரங்கசாமியை சந்தித்து, அவருக்கு சால்வை அணிவித்து அந்தக் கட்சியில் இணைந்தாா். அவருக்கு என்.ரங்கசாமி மற்றும் என்.ஆா். காங்கிரஸ் நிா்வாகிகள் சால்வை அணிவித்தும், உறுப்பினா் அட்டை வழங்கியும் வரவேற்றனா்.

‘கூட்டணி குறித்து உரிய நேரத்தில் அறிவிப்போம்’: அப்போது என்.ரங்கசாமி கூறியதாவது:

என்.ஆா். காங்கிரஸில் லட்சுமிநாராயணன் இணைந்திருப்பது மகிழ்ச்சியளிக்கிறது. அவா் சிறந்த அரசியல்வாதி, சட்டப்பேரவையில் மக்கள் பிரச்னைகளை எடுத்துரைப்பவா். எம்.எல்.ஏ., அமைச்சா் என நற்பணியாற்றியவா். நான் முதல்வராக இருந்தபோது எனது அமைச்சரவையிலும் அவா் சிறப்பாக பணியாற்றினாா்.

கடந்த 5 ஆண்டுகளாக காங்கிரஸ், திமுக கூட்டணி அரசு மக்களுக்கு அளித்த வாக்குறுதிகளை நிறைவேற்றவில்லை என்பதால் அதிருப்தியடைந்து, காங்கிரஸிலிருந்து வெளியேறிய லட்சுமிநாராயணன், என்.ஆா். காங்கிரஸில் இணைந்துள்ளாா். அவரது வருகை என்.ஆா்.காங்கிரஸை வலுப்படுத்தும்.

கூட்டணி குறித்தும், அதிமுக - பாஜகவுடன் கூட்டணியில் தொடா்வது குறித்தும் எங்கள் கட்சி நிா்வாகிகளுடன் ஆலோசித்து வருகிறோம். உரிய நேரத்தில் எங்களது நிலைப்பாட்டை அறிவிப்போம் என்றாா்.

தொடா்ந்து க.லட்சுமிநாராயணன் கூறுகையில், புதுவை மாநில மக்களின் நலனை முன்னிருத்தி செயல்படும் மாநில கட்சி என்பதால், என்.ஆா். காங்கிரஸில் இணைந்தேன் என்றாா்.