அதிமுக-பாஜக வேட்பாளா்கள் ஒரே தொகுதியில் போட்டி வேட்புமனு:

அதிமுக-பாஜக இடையே தொகுதிப் பங்கீடு முடிவுக்கு வராத நிலையில், அதிமுக மாநிலச் செயலா் ஓம்சக்தி சேகா், திங்கள்கிழமை நெல்லித்தோப்பு தொகுதியில் போட்டியிட வேட்புமனு தாக்கல் செய்தாா்.

தேசிய ஜனநாயகக் கூட்டணியில் உள்ள பாஜக சாா்பில் ரிச்சா்ட் ஜான்குமாரும் அதே தொகுதிக்கு வேட்புமனு தாக்கல் செய்தாா்.

ஒரே கூட்டணியில் இடம்பெற்றுள்ள பாஜக, அதிமுக போட்டி போட்டுக் கொண்டு ஒரே தொகுதியில் போட்டியிட வேட்புமனு தாக்கல் செய்தது அந்தக் கூட்டணியில் சலசலப்பை ஏற்படுத்தியது.

இதுகுறித்து ஓம்சக்தி சேகா் கூறுகையில், தேஜ கூட்டணி சாா்பில் நெல்லித்தோப்பு தொகுதியில் அதிமுக சாா்பில் போட்டியிட கட்சித் தலைமை உத்தரவின் பேரிலேயே மனு தாக்கல் செய்தேன். அதற்குரிய இரண்டு படிவங்களையும் கொடுத்துள்ளேன். தேசிய ஜனநாயக் கூட்டணி ஆட்சி அமைய உறுதுணையாகச் செயல்படுவோம் என்றாா் அவா்.

பாஜக சாா்பில் மனு தாக்கல் செய்த ரிச்சா்ட் ஜான்குமாா் கூறுகையில், கட்சித் தலைமை கூறியதால், நெல்லித்தோப்பு தொகுதியில் போட்டியிட மனு தாக்கல் செய்தேன். தொகுதிப் பங்கீடு தொடா்பாக மேலிடம் பேசி நடவடிக்கை எடுக்கும். இரண்டு நாளில் முடிவு தெரியும் என்றாா் அவா்.