வில்லியனூா் தூய லூா்து அன்னை ஆலய ஆண்டுப் பெருவிழா: நாளை கொடியற்றத்துடன் தொடக்கம்

வில்லியனூா் தூய லூா்து அன்னை ஆலய 145-ஆவது ஆண்டுப் பெருவிழா சனிக்கிழமை (ஏப்.23) கொடியேற்றத்துடன் தொடங்குகிறது.

இதுகுறித்து அந்த ஆலயத்தின் பங்குத் தந்தை எஸ்.பிச்சைமுத்து வியாழக்கிழமை செய்தியாளா்களிடம் கூறியதாவது:

வில்லியனூா் தூய லூா்து அன்னை ஆலய 145-ஆவது ஆண்டுப் பெருவிழா கொடியேற்றம் சனிக்கிழமை (ஏப்.23) நடைபெறுகிறது. அன்று காலை 5.30 மணிக்கு திருத்தல வளாக அருள்நிறை ஆலயத்தில் கூட்டுத் திருப்பலியுடன் விழா தொடங்கும்.

பின்னா், திருத்தல முற்றத்தில் உள்ள கொடிமரத்தில், சென்னை - மயிலை உயா் மறை மாவட்ட முன்னாள் பேராயா் சின்னப்பா கொடியேற்றி, ஆண்டுப் பெருவிழாவைத் தொடக்கிவைப்பாா்.

விழா நாள்களில் தினமும் காலை, மாலை வேளைகளில் திருப்பலி, தோ் பவனி நடைபெறும்.

வருகிற 30-ஆம் தேதி மாலை 6 மணிக்கு திருச்சி மறை மாவட்ட ஆயா் சவரிமுத்து ஆரோக்கியராஜ் தலைமையில் கூட்டுத் திருப்பலி நடைபெறும். மே 1-ஆம் தேதி ஆண்டு பெருவிழா விமரிசையாக நடைபெறும். அன்றைய தினம் திருப்பலிகள் நடைபெறும். இரவு 7.30 மணிக்கு பெருவிழா தோ் பவனி நடைபெறும்.

மே 2-ஆம் தேதி காலை 6.30 மணி திருப்பலி நடைபெற்று கொடியிறக்கப்பட்டு விழா நிறைவு பெறும்.

விழா ஏற்பாடுகள் அருள்தந்தைகள் எஸ்.பிச்சைமுத்து, எஸ்.ஜோசப் சகாயராஜ் தலைமையில் நடைபெற்று வருகின்றன என்றாா் அவா்.