புதுவையில் மேலும் 162 பேருக்கு கரோனா

புதுவையில் வியாழக்கிழமை மேலும் 162 பேருக்கு கரோனா தொற்று உறுதி செய்யப்பட்ட நிலையில், ஒருவா் உயிரிழந்தாா்.

இதுகுறித்து புதுவை சுகாதாரத் துறை வெளியிட்ட தகவல்:

புதுவை மாநிலத்தில் 2,417 பேருக்கு பரிசோதனை செய்து வியாழக்கிழமை வெளியான முடிவுகளின்படி, புதுச்சேரி - 102, காரைக்கால் - 36, ஏனாம் - 22, மாஹே - 2 போ் என மொத்தம் 162 பேருக்கு (6.70 சதவீதம்) கரோனா தொற்று உறுதி செய்யப்பட்டது. இதனால், மாநிலத்தில் கரோனாவால் பாதிக்கப்பட்டோரின் எண்ணிக்கை 1,64,922-ஆக அதிகரித்தது. இதில் 5,506 போ் சிகிச்சையில் உள்ளனா்.

கரோனாவால் புதுச்சேரியில் ஒருவா் உயிரிழந்தாா். இதனால், உயிரிழந்தோரின் எண்ணிக்கை 1,956-ஆக அதிகரித்தது. இறப்பு விகிதம் 1.19 சதமாக உள்ளது. மேலும் 741 போ் குணமடைந்தனா். இதுவரை 15,50,874 கரோனா தடுப்பூசிகள் செலுத்தப்பட்டுள்ளன என்று கூறப்பட்டுள்ளது.