புதுச்சேரி ஜிப்மரில் புதிய கட்டுப்பாடுகளால் நோயாளிகள் தவிப்பு

கரோனா பரவல் காரணமாக, புதுச்சேரி ஜிப்மா் மருத்துவமனையில் இணையவழியில் முன்பதிவு செய்தவா்களுக்கு மட்டுமே அனுமதியளிக்கப்படுவதால், புறநோயாளிகள் பிரிவில் சிகிச்சை பெற வருவோா் தவித்து வருகின்றனா்.

புதுவையில் கரோனா பரவல் அதிகரித்ததையடுத்து, புதுச்சேரி ஜிப்மா் மருத்துவமனையில் மீண்டும் கட்டுப்பாடுகள் விதிக்கப்பட்டுள்ளன. கடந்த 18-ஆம் தேதி முதல் தொலை மருத்துவ ஆலோசனை சேவை தொடங்கப்பட்டது.

அவசர சிகிச்சையைத் தவிா்த்து, பிற சிகிச்சைக்களுக்காக வரும் நோயாளிகள் ஜிப்மா் தொலைபேசி எண்ணில் தொடா்பு கொண்டு முன்பதிவு செய்து கொள்ள வேண்டும். தினமும் ஒவ்வொரு துறையிலும் 50 போ் மட்டுமே சிகிச்சைக்காக அனுமதிக்கப்படுவா்.

அதன்படி, புதுச்சேரி ஜிப்மா் மருத்துவமனையின் வாயில் பகுதி மூடப்பட்டு, இணையவழியில் அனுமதி பெற்ற நோயாளிகள் மட்டுமே அனுமதிக்கப்படுகின்றனா்.

இதனால், புதுச்சேரி மட்டுமல்லாமல், விழுப்புரம், கடலூா், திருவண்ணாமலை உள்ளிட்ட மாவட்டங்களில் இருந்து வரும் நோயாளிகள் சிகிச்சை பெற முடியாமல் தவித்து வருகின்றனா்.

புறநோயாளிகள் பிரிவு மட்டுமன்றி, பிரசவம், குழந்தைகள் சிகிச்சை உள்ளிட்ட பல்வேறு சிகிச்சைக்காக வந்தவா்கள் அவதியடைந்தனா்.

இதுதொடா்பாக, புதுவை துணைநிலை ஆளுநா் தமிழிசை சௌந்தரராஜன் ஏற்கெனவே ஜிப்மா் நிா்வாகத்தைத் தொடா்பு கொண்டு பேசினாா். புற நோயாளிகள் பிரிவு முற்றிலும் மூடப்படவில்லை. கரோனா நோயாளிகளுக்கு கூடுதல் கவனம் செலுத்த வேண்டியிருப்பதால், பிற துறைகளுக்கு தினமும் தலா 50 போ் வீதம் முன்பதிவு செய்து வரும் நோயாளிகள் அனுமதிக்கப்படுவா் என ஜிப்மா் நிா்வாகம் தெரிவித்தது.

புறநோயாளிகள் பிரிவை மூடாமல், பொதுமக்களுக்கான மருத்துவ சேவை பாதிக்காத வகையில் செயல்படுத்த வேண்டும் என்று ஆளுநா் அறிவுறுத்தினாா்.

ஆனால், புதுவை ஜிப்மரில் தற்போது கரோனா நோயாளிகள் சுமாா் 50 போ் மட்டுமே சிகிச்சை பெற்று வரும் நிலையில், அதைக் காரணம் காட்டி, பிற சிகிச்சைப் பிரிவுகளில் நோயாளிகளை அனுமதிக்காமல் மூடியிருப்பதாக வெள்ளிக்கிழமை சிகிச்சைக்காக வந்த தமிழகப் பகுதிகளைச் சோ்ந்த நோயாளிகள் அதிருப்தி தெரிவித்தனா்.