விளையாட்டுப் பயிற்சியில் சேர விண்ணப்பிக்க அழைப்பு

புதுச்சேரி உப்பளத்தில் உள்ள இந்திரா காந்தி விளையாட்டு மைதானத்தில் 2022- 23-ஆம் ஆண்டுக்கான விளையாட்டுப் பயிற்சியில் சேரத் தகுதியானோா் விண்ணப்பிக்கலாம் என்று இந்திய விளையாட்டு ஆணையத்தின் புதுவை மைய பொறுப்பாளா் கே.விட்டல்குமாா் தெரிவித்தாா்.

இதுகுறித்து அவா் வெளியிட்ட செய்திக்குறிப்பு:

இந்திரா காந்தி விளையாட்டு மைதானத்தில், கைப்பந்து, தேக்வாண்டோ விளையாட்டுகளில் சிறப்புப் பயிற்சி பெற மாணவா்கள் தோ்வு செய்யப்பட உள்ளனா். வயது வரம்பு 12 முதல் 18 வயது வரை ஆகும்.

இதன்படி தங்கியிருந்து பயிற்சி பெறுதல் திட்டத்தில் கைப்பந்து வீரா்கள் (ஆடவா்கள் மட்டும்) தோ்வு, மாா்ச் 21-ஆம் தேதி காலை 8 முதல் மாலை 4 மணி வரை நடைபெறும். வெளியிலிருந்து வந்து பயிற்சி பெறுதல் திட்டத்தில், தேக்வாண்டோ வீரா்கள், வீராங்கணைகள் தோ்வு மாா்ச் 22-ஆம் தேதி காலை 8 முதல் மாலை 4 மணி வரை நடைபெறும்.

இந்திராகாந்தி விளையாட்டு அரங்கத்திலேயே இந்தப் பயிற்சி தோ்வு நடைபெறும்.

தேசிய, மண்டல, மாநில அளவிலான போட்டிகளில் முதல் 3 இடங்களைப் பெற்றவா்கள் நேரடியாக சோ்க்கப்படுவா். தனிநபா் விளையாட்டுப் போட்டிகளுக்கு, முதல் 3 இடம் பெற்றவா்களுக்கு முன்னுரிமை அளிக்கப்படும். குழு போட்டிக்கு, கடந்த 2 ஆண்டில் தேசிய, மாநில அளவில் முதல் 2 இடங்களைப் பிடித்தவா்கள் தோ்வில் பங்கேற்கத் தகுதியானவா்கள். உயரமான மாணவா்கள், கைப்பந்து விளையாட்டுக்கு சிறப்பு தகுதி வாய்ந்தவா்களாக முன்னுரிமை அளிக்கப்படும்.

தோ்வு செய்யப்படுவோருக்கு ஒரு ஆண்டுக்கான விளையாட்டுச் சீருடை, உபகரணங்கள், உதவித்தொகை ஆகியன வழங்கப்படும். மாா்ச் 19-ஆம் தேதி மாலை 4 மணி வரை அலுவலக நேரத்தில் விண்ணப்பங்களைப் பெறலாம்.

பூா்த்தி செய்த விண்ணப்பங்களை வருகிற 21-ஆம் தேதி காலை 7 மணிக்குள் ஒப்படைக்க வேண்டும். விவரங்களுக்கு 0413-2357819, 97310 07517 ஆகிய கைப்பேசி எண்களில் தொடா்புகொள்ளலாம் என்றாா் அவா்.