புதுவை அமைச்சா் நமச்சிவாயம் மருத்துவமனையில் அனுமதி

புதுவை உள்துறை அமைச்சா் ஆ.நமச்சிவாயம் உடல்நலக் குறைவு காரணமாக சனிக்கிழமை இரவு தனியாா் மருத்துவமனையில் சோ்க்கப்பட்டாா்.

வருகிற 8-ஆம் தேதி அமைச்சா் ஆ.நமச்சிவாயத்தின் பிறந்த நாளையொட்டி, அவரது ஆதரவாளா்கள் புதுச்சேரியில் அன்னதானம் உள்ளிட்ட நலத் திட்ட உதவிகளை வழங்கி வருகின்றனா்.

புதுச்சேரி அரும்பாா்த்தபுரத்தில் சனிக்கிழமை இரவு அவரது ஆதரவாளா்கள் ஏற்பாடு செய்த பிறந்த நாள் நிகழ்ச்சியில் பங்கேற்ற அமைச்சா் நமச்சிவாயத்துக்கு காய்ச்சல், சளி அதிகமாகி உடல்நலக் குறைவு ஏற்பட்டது. இதையடுத்து, அவா் மூலகுளத்தில் உள்ள தனியாா் மருத்துவமனையில் சோ்க்கப்பட்டாா். அங்கு அவருக்கு மருத்துவா்கள் சிசிச்சை அளித்தனா். இரண்டு நாள்களுக்கு ஓய்வெடுக்கும்படி மருத்துவா்கள் அறிவுறுத்தியதாக தெரிகிறது.