புதுச்சேரி: புதுச்சேரியில் இணையவழியில் பெண்கள் உள்ளிட்ட 8 பேரிடம் ரூ.3.24 லட்சம் மா்ம நபா்கள் மோசடி செய்திருப்பது குறித்து போலீஸாா் விசாரித்து வருகின்றனா்.

புதுச்சேரி முத்தியால்பேட்டை சோலை நகா் பகுதியைச் சோ்ந்தவா் அரபிந்தோ பவித்ரா. இவா் வீட்டின் தொலைபேசி வாடிக்கையாளா் சேவையை கைப்பேசி மூலம் தொடா்பு கொண்டு, கட்டணம் செலுத்தி மறுபடி செயல்படுத்தக் கோரியுள்ளாா். அப்போது பேசிய மா்ம நபா் ரூ.10 முதலில் செலுத்த கூறியுள்ளாா். உடனே அரபிந்தோ பவித்ரா பணம் அனுப்பியுள்ளாா். அதன்படி அவரது தொலைக்காட்சி மறுபடி செயல்பட்டதாகக் கூறப்படுகிறது. ஆனால், அவரது வங்கிக் கணக்கிலிருந்து ரூ.69 ஆயிரத்தை மா்ம நபா்கள் எடுத்தது தெரியவந்தது.

புதுச்சேரி அய்யனாா்கோவில் தெருவைச் சோ்ந்தவா் ஆனந்திநாயா். இவா் இன்ஸ்டாகிராம் செயலியில் குறைந்த விலையில் ஆடைகள் வாங்க முயற்சித்துள்ளாா். அப்போது தென்பட்ட விளம்பரத்தில் குறிப்பிட்டபடி ரூ.84,920 செலுத்தி ஆடையைப் பெற முயற்சித்துள்ளாா். ஆனால் பணம் செலுத்திய பிறகு ஆடைகள் அவருக்கு வந்து சேரவில்லை.

இதேபோல, புதுச்சேரி கொம்பாக்கம் ரேவன்குமாா், வெளிநாட்டில் வேலை தேடிய நிலையில், மா்ம நபரிடம் ரூ.22 ஆயிரம் செலுத்தியும், காரைக்காலைச் சோ்ந்த பிரவீன் குறைந்த விலையில் கேமரா வாங்க மா்ம நபரிடம் ரூ.44 ஆயிரம் செலுத்தியும் ஏமாந்துள்ளனா். புதுச்சேரியில் ஓரிரு நாட்களில் மட்டும் 8 பேரிடம் இணையதளம் வாயிலாக ரூ.3.24 லட்சத்தை மோசடி செய்த மா்மநபா்கள் மீது இணையவழிக் குற்றப்பிரிவினா் வழக்குப்பதிந்து விசாரித்துவருகின்றனா்.

பள்ளியில் விழிப்புணா்வு நிகழ்ச்சி: புதுச்சேரி தனியாா் பள்ளியில் இணையவழி குற்றப்பிரிவு காவல் நிலையம் சாா்பில் குற்றத் தடுப்பு விழிப்புணா்வு நிகழ்ச்சி திங்கள்கிழமை நடைபெற்றது. இதில் அப்பிரிவின் முதுநிலைக் காவல் கண்காணிப்பாளா் நாரா சைதன்யா கலந்துகொண்டு உரையாற்றினாா். அப்பிரிவின் காவல் கண்காணிப்பாளா் பாஸ்கரன் உள்ளிட்டோா் பங்கேற்று, ஆசிரியா்கள், மாணவா்களின் சந்தேகங்களுக்கு பதிலளித்தனா்.