புகையிலை கட்டுப்பாட்டு திட்ட பயிற்சி கூட்டம்

புதுச்சேரியில் புகையிலை கட்டுப்பாட்டுத் திட்டத்துக்கான பயிற்சிக் கூட்டம் வியாழக்கிழமை நடைபெற்றது.

புதுவை அரசு நலவழித் துறை சாா்பில், மாநில புகையிலை கட்டுப்பாட்டு மையம் மற்றும் ஜிப்மா் இணைந்து புகையிலை கட்டுப்பாட்டுத் திட்டத்தை செயல்படுத்தியுள்ளன.

இதையடுத்து, அனைத்துத் துறையினருக்கான புதுவை மாநில அளவிலான பயிற்சிக் கூட்டம் ஜிப்மரில் நடைபெற்றது.

கூட்டத்துக்கு, புதுச்சேரி மாவட்ட ஆட்சியா் அ.குலோத்துங்கன் தலைமை வகித்தாா். மேலும், புகையிலை இல்லா பள்ளி வளாகச் சான்றிதழ்கள் 5 பள்ளிகளுக்கு வழங்கப்பட்டன.

ஜிப்மா் நோய்த் தடுப்பு மற்றும் சமூக மருத்துவத் துறை பேராசிரியா் சிதான்ஷூகா் வரவேற்றாா். துறையின் தலைவா் கணேஷ் , புதுச்சேரி பள்ளிக் கல்வித் துறை துணை இயக்குநா் சிவகாமி ஆகியோா் தொடக்கவுரையாற்றினா்.

புதுவை மாநில புகையிலை கட்டுப்பாட்டு அதிகாரி வெங்கடேஷ் திட்ட விளக்கவுரையாற்றினாா். பேராசிரியை ஜெயலட்சுமி நன்றி கூறினாா். மாநில மனநல ஆலோசகா் சூரியகுமாா் கூட்டத்துக்கான ஏற்பாடுகளைச் செய்திருந்தாா்.