திருக்கோவிலூர் கிளை நூலக வாசகர் வட்டத் தலைவர் சிங்கார.உதியனுக்கு (படம்) தமிழக அரசின் நூலக ஆர்வலர் விருது வழங்கப்படுவதாக அறிவிக்கப்பட்டது. 
நூலக இயக்ககம் வளர முனைப்புடன் சிறப்பாக பங்காற்றி வரும் வாசகர் வட்டத் தலைவர்களுக்கு, ஆண்டுதோறும் தமிழக அளவில் ஒருவருக்கு நூலக ஆர்வலர் விருது வழங்கப்பட்டு வந்தது. நிகழாண்டு மாவட்ட அளவில் சிறந்த வாசகர் வட்டத் தலைவர் ஒருவருக்கு நூலக ஆர்வலர் விருது வழங்கப்படும் என மானியக் கோரிக்கையில் அறிவிக்கப்பட்டது. 
அதன்படி, விழுப்புரம் மாவட்ட அளவில், திருக்கோவிலூர் கிளை நூலக வாசகர் வட்டத் தலைவர் சிங்கார.உதியனுக்கு, இநத விருது வழங்குவதாக தற்போது அறிவிக்கப்பட்டுள்ளது. 
சென்னையில் வரும் 14-ஆம் தேதி நடைபெறும் நூலக வார விழாவில், இவ்விருது அவருக்கு வழங்கப்படுகிறது.  
இதையடுத்து இவருக்கு, மாவட்ட நூலக அலுவலர்(பொ) இரா.சுப்பிரமணியன், கிளை நூலக நூலகர் மு.அன்பழகன் மற்றும் நூலகப்  புரவலர்கள், வாசகர்கள் வாழ்த்துத் தெரிவித்துள்ளனர்.