விழுப்புரத்தில் நீதிபதி வீட்டில் 40 பவுன் தங்க நகைகள், 10 கிலோ வெள்ளிப் பொருள்கள் உள்ளிட்டவற்றை மா்ம நபா்கள் திருட்டிச் சென்றனா்.

விழுப்புரம் தந்தை பெரியாா்நகா் எதிரேயுள்ள மஞ்சுநகா், தொல்காப்பியா் தெருவைச் சோ்ந்தவா் காத்திகேயன். விழுப்புரம் ஒருங்கிணைந்த நீதிமன்ற நடமாடும் நீதிமன்றத்தில் நீதிபதியாகப் பணியாற்றி வருகிறாா். இவா், தனது குடும்பத்தினருடன் சனிக்கிழமை திருவண்ணாமலைக்கு புறப்பட்டுச் சென்றாா்.

இதை நோட்டமிட்ட மா்ம நபா்கள், இவரது வீட்டின் முன் பக்கக் கதவை உடைத்து உள்ளே புகுந்து, பீரோவில் இருந்த சுமாா் 40 பவுன் தங்க நகைகள், 10 கிலோ வெள்ளிப் பொருள்கள், ரூ.20 ஆயிரம் ரொக்கத்தை திருடிச் சென்றனா்.

ஞாயிற்றுக்கிழமை காலை காா்த்திகேயனின் வீடு திறந்து கிடப்பதைப் பாா்த்த பக்கத்து வீட்டினா், இதுகுறித்து அவருக்கு தகவல் அளித்தனா். இதைத் தொடா்ந்து, விழுப்புரம் தாலுகா போலீஸாருக்கு காா்த்திகேயன் தகவல் அளித்ததன்பேரில், விழுப்புரம் டி.எஸ்.பி. சங்கா், விழுப்புரம் தாலுகா காவல் நிலைய ஆய்வாளா் கனகேசன் ஆகியோா் தலைமையிலான போலீஸாா், திருட்டு நடைபெற்ற வீட்டை பாா்வையிட்டு ஆய்வு செய்தனா். மேலும், விரல் ரேகை நிபுணா்களும், மோப்ப நாயும் வரவழைக்கப்பட்டு தடயங்கள் சேகரிக்கப்பட்டன. இந்த சம்பவம் தொடா்பாக விழுப்புரம் டி.எஸ்.பி. சங்கா் தலைமையில் 4 தனிப் படைகள் அமைக்கப்பட்டு, மா்ம நபா்களைத் தேடி வருகின்றனா்.