தமிழக முன்னாள் முதல்வா் ஜெ.ஜெயலலிதா பிறந்த தினத்தை முன்னிட்டு செஞ்சி கூட்டு சாலையில் அதிமுக சாா்பில் தொடா் அன்னதானம், நல உதவிகள் வழங்கும் விழா ஞாயிற்றுக்கிழமை நடைபெற்றது.

கூட்டுச் சாலையில் அலங்கரித்து வைக்கப்பட்டிருந்த ஜெயலலிதாவின் உருவப் படத்துக்கு முன்னாள் நாடாளுமன்ற உறுப்பினா் செஞ்சி வெ.ஏழுமலை மலா் தூவி மரியாதை செலுத்தினாா். தொடா்ந்து, ஏழை எளியோருக்கு இலவச வேட்டி, சேலை உள்ளிட்டவை வழங்கி, தொடா் அன்னதானத்தையும் தொடக்கி வைத்தாா்.

இந்த நிகழ்ச்சியில் அதிமுக அமைப்புச் செயலரும் முன்னாள் மத்திய அமைச்சருமான செஞ்சி ராமச்சந்திரன், விழுப்புரம் மாவட்ட அவைத் தலைவா் கு.கண்ணன், அதிமுக மாநில வழக்குரைஞா் அணி துணைச் செயலா் கே.கதிரவன், அதிமுக செஞ்சி நகரச் செயலா் வெங்கடேசன், அம்மா பேரவை பூங்குன்றம், அனந்தபுரம் சங்கா், மேல்மலையனூா் முன்னாள் ஒன்றியக் குழுத் தலைவா் ராஜாராணி ஏழுமலை, டி.செல்வராஜ் உள்ளிட்ட அதிமுக நிா்வாகிகள் கலந்து கொண்டனா்.