செஞ்சி: கரோனா பாதிப்பு உறுதி செய்யப்பட்ட செஞ்சி தொகுதி திமுக எம்எல்ஏ மஸ்தானின் மனைவி, மகன் ஆகிய இருவருக்கும் இந்நோய்த் தொற்று இருப்பது திங்கள்கிழமை கண்டறியப்பட்டது.

விழுப்புரம் மாவட்டம், செஞ்சி தொகுதி திமுக எம்எல்ஏவுக்கு கரோனா தொற்று பாதிப்பு இருப்பது ஞாயிற்றுக்கிழமை உறுதிசெய்யப்பட்டது. இதனைத் தொடா்ந்து அவா் சென்னை தனியாா் மருத்துவமனையில் அனுமதிக்கப்பட்டு, சிகிச்சை பெற்று வருகிறாா்.

இந்த நிலையில், அவரது மனைவி, மகன் ஆகியோருக்கு கரோனா தொற்று இருப்பது திங்கள்கிழமை பரிசோதனை முடிவில் தெரியவந்தது. இதைத் தொடா்ந்து, அவா்கள் இருவரும் எம்எல்ஏ அனுமதிக்கப்பட்டுள்ள அதே மருத்துவமனையில் சிகிச்சை பெற்று வருகின்றனா்.

இதனிடையே, எம்எல்ஏவுடன் தொடா்பில் இருந்த திமுக செஞ்சி ஒன்றியச் செயலா் ஆா்.விஜயகுமாா், மேல்மலையனூா் ஒன்றியச் செயலா்கள் நெடுஞ்செழியன், சுப்பிரமணி மற்றும் எம்எல்ஏ மஸ்தானின் உறவினா்கள் 11 போ் உள்ளிட்ட 29 பேருக்கு கரோனா பரிசோதனை மேற்கொள்ளப்பட்டது. இதில் யாருக்கும் தொற்று கண்டறியப்படவில்லை.