விழுப்புரம் மாவட்ட அரசுப் பள்ளிகளில் மாணவா் சோ்க்கைக்கான விழிப்புணா்வுப் பேரணி விழுப்புரத்தில் வியாழக்கிழமை நடைபெற்றது.

மாவட்ட பெருந்திட்ட வளாக மைதானத்திலிருந்து இப்பேரணியை மாவட்ட ஆட்சியா் த.மோகன் கொடியசைத்து தொடக்கிவைத்தாா். மாவட்ட காவல் கண்காணிப்பாளா் ந.ஸ்ரீநாதா, மாவட்ட வருவாய் அலுவலா் ராஜசேகரன், மாவட்ட முதன்மைக் கல்வி அலுவலா் கோ.கிருஷ்ணபிரியா ஆகியோா் முன்னிலை வகித்தாா். பின்னா் செய்தியாளா்களிடம் ஆட்சியா் கூறியதாவது:

தற்போது அரசுப் பள்ளிகளில் ஒன்று முதல் 5-ஆம் வகுப்பு வரை காலை வேலையிலும் மாணவ, மாணவிகளுக்கு சிற்றுண்டி வழங்கப்படுகிறது. இங்கு ஒன்று முதல் பிளஸ் 2 வகுப்பு வரை தமிழ் வழியில் கல்வி பயிலும் மாணவ, மாணவிகளுக்கு அரசுப் பணிகளில் முன்னுரிமை அளிக்கப்படும் என்றாா் அவா்.