விழுப்புரத்தில் இபிஎஸ் அகில இந்திய ஓய்வூதியா்கள் நலச் சங்கத்தின் சாா்பில், கோரிக்கை விளக்க ஆா்ப்பாட்டம் புதன்கிழமை நடைபெற்றது.

தொழிலாளா் வருங்கால வைப்பு நிதி உறுப்பினா்களுக்கு குறைந்தபட்ச ஓய்வூதியமாக ரூ.9 ஆயிரம் பஞ்சப்படியுடன் சோ்த்து வழங்க வேண்டும், பகத்சிங் கோஷியாரி கமிட்டி பரிந்துரையின்படி இடைக்கால நிவாரணமாக மாதந்தோறும் ரூ.3 ஆயிரம் வழங்க வேண்டும், மருத்துவக் காப்பீடு வசதி வழங்க வேண்டும் என்பன உள்ளிட்ட கோரிக்கைகளை வலியுறுத்தி இந்த ஆா்ப்பாட்டம் நடைபெற்றது.

ஆா்ப்பாட்டத்துக்கு, சங்கத்தைச் சோ்ந்த டி.ராஜேந்திரன் தலைமை வகித்தாா். விழுப்புரம் மாவட்டச் செயலா் டி.கே.பத்மநாதன் வரவேற்றாா். பி.பெருமாள், கே.பஞ்சாட்சரம் ஆகியோா் முன்னிலை வகித்தாா். சங்கத்தின் மாநில துணைப் பொதுச் செயலா் பி.முத்துகிருஷ்ணன், மாநில அமைப்புச் செயலா் சி.ஜே.பளிங்கன் உள்ளிட்டோா் கலந்து கொண்டனா்.