தொழிலாளி நெஞ்சு வலியால் உயிரிழப்பு

விழுப்புரம் மாவட்டம், செஞ்சியில் மாமியாா் வீட்டில் தங்கி கூலி வேலை செய்து வந்தவா் நெஞ்சு வலியால் இறந்தது குறித்து போலீஸாா் விசாரித்து வருகின்றனா்.

திருவண்ணாமலை மாவட்டம், தேனிமலை கிராமத்தைச் சோ்ந்த ஏழுமலை மகன் ரவிச்சந்திரன் (24). இவரும், செஞ்சி பெரியகரத்தைச் சோ்ந்த ரேணுகாதேவியும் (23) கடந்த ஒன்றரை ஆண்டுகளுக்கு முன்பு காதலித்து திருமணம் செய்துகொண்டனா். இவா்களுக்கு ஒன்றரை வயதில் பெண் குழந்தை உள்ளது.

ரவிச்சந்திரன் கடந்த 6 மாதங்களாக மாமியாா் வீட்டில் தங்கியிருந்து கூலி வேலை செய்து வந்தாா். இந்த நிலையில், அவா் செவ்வாய்க்கிழமை நெஞ்சு வலிப்பதாக கூறினாராம். உடனடியாக குடும்பத்தினா் ரவிச்சந்திரனை செஞ்சி அரசு மருத்துவமனைக்கு கொண்டு சென்றனா். அங்கு அவரை பரிசோதித்த மருத்துவா் உயிரிழந்துவிட்டதாகத் தெரிவித்தாா்.

இதுகுறித்த புகாரின்பேரில், செஞ்சி போலீஸாா் வழக்குப் பதிந்து விசாரணை நடத்தி வருகின்றனா்.