உங்களுக்கு மிதுன லக்னம், மேஷ ராசி. தற்சமயம் குடும்ப ஸ்தானத்தில் அமர்ந்திருக்கும் அஷ்டம பாக்கியாதி பதியின் தசை நடக்கிறது. அதோடு தொழில் ஸ்தானத்தில் லக்னாதிபதி நீச்சம் பெற்று உச்சம் பெற்ற பூர்வபுண்ணிய ஸ்தானாதிபதியுடன் இணைந்தும் திக்பலம் பெற்ற செவ்வாய்பகவானுடன் இணைந்தும் இருக்கிறார். இதனால் தொழில் ஸ்தானம் வலுவாகவே உள்ளது என்று கூற வேண்டும். நீங்கள் செய்து வரும் தொழில் உங்கள் ஜாதகத்திற்கு ஏற்றதாகவே அமைந்துள்ளது. இந்த ஆண்டு மார்ச் மாதத்திற்குப்பிறகு உங்கள் வாழ்க்கையில் முன்னேற்றங்கள் உண்டாகும். பிரதி சனிக்கிழமைகளில் சனிபகவானை வழிபட்டு வரவும்.