உங்கள் மகளுக்கு சிம்ம லக்னம், கடக ராசி. தொழில் ஸ்தானாதிபதியான சுக்கிரபகவான் பூர்வபுண்ணிய ஸ்தானத்தில் அமர்ந்து லாப ஸ்தானத்தைப் பார்வை செய்கிறார். சுக பாக்கியாதிபதி பாக்கிய ஸ்தானத்தில் ஆட்சி பெற்றிருக்கிறார். பூர்வபுண்ணிய ஸ்தானாதிபதியான குருபகவான் தொழில் ஸ்தானத்தில் அமர்ந்திருக்கிறார். தற்சமயம் தொழில் ஸ்தானாதிபதியான சுக்கிரபகவானின் தசையில் பாக்கியாதிபதியின் புக்தி நடக்கிறது. இந்த காலகட்டத்தில் கோச்சாரமும் வலுவாக உள்ளது. அதனால் இந்த ஆண்டே தகுதிக்கு ஏற்ற உத்தியோகம் மறுபடியும் அமைந்துவிடும். உங்கள் மகனுக்கு கடக லக்னம், மேஷ ராசி. அவருக்கு தற்சமயம் தொழில் ஸ்தானத்தில் திக்பலம் பெற்றிருக்கும் தொழில் ஸ்தானாதிபதியுடன் இணைந்திருக்கும், லக்னாதிபதியின் தசை நடக்கிறது. சந்திர மங்கல யோகம், புத ஆதித்ய யோகம், குருசந்திர யோகம், குரு மங்கல யோகம் ஆகிய சிறப்பான யோகங்கள் உள்ளன. லாபாதிபதியையும் குருபகவான் பார்வை செய்வது சிறப்பு. அதனால் படிப்பு முடிந்தவுடன் உடனடியாக நல்ல வேலை கிடைத்துவிடும். தந்தை ஸ்தானம் வலுவாக உள்ளதால் நீங்கள் சொந்த தொழில் செய்யலாம். பரிகாரம் எதுவும் தேவையில்லை.