உங்கள் மகளுக்கு மிதுன லக்னம், கன்னி ராசி. அவருக்கு குருபகவான் லக்னத்தில் இருந்து சுகஸ்தானத்தில் உள்ள சந்திரபகவானுக்குக் கேந்திரம் பெற்றிருப்பதால் கஜகேசரி யோகம் உண்டாகிறது. இதனால் வாழ்க்கையில் அனைத்து நன்மைகளும் தானாகவே தேடி வரும். தற்சமயம் சனி புக்தி நடைபெறுவதால் அடுத்த ஆண்டு மே மாதத்திற்குள் படித்த வரன் அமைந்து திருமணம் கைகூடும். நான்கு கிரகங்கள் தொழில் ஸ்தானத்தைப் பார்வை செய்வதால் நல்ல நிரந்தர வேலையும் கிடைத்துவிடும். எதிர்காலம் சிறப்பாக அமையும். பிரதி வியாழக்கிழமைகளில் குருபகவானையும் தட்சிணாமூர்த்தியையும் வழிபட்டு வரவும்.