ஏப்ரல் மாத எண்கணித பலன்கள் – 5

5, 14, 23 ஆகிய தேதிகளில் பிறந்தவர்களுக்கு

எதிலும் அளவு தெரிந்து செயல்படும் ஐந்தாம் எண் அன்பர்களே, இந்த மாதம் பிரிந்து சென்றவர்கள் மீண்டும் வந்து சேரலாம். எதிர்பார்த்த பணம் வந்து சேரும். விருந்து கேளிக்கை நிகழ்ச்சிகளில் பங்கேற்க நேரிடும். சாதூர்யமான பேச்சின் மூலம் காரிய வெற்றி கிடைக்கும். குடும்பத்தில் நிம்மதி காணப்படும். கணவன், மனைவிக்கிடையே இருந்த கருத்து வேற்றுமை நீங்கும்.

தொழில் வியாபாரத்தில் இருந்த மந்த நிலை மாறும். விற்பனை அதிகரிக்கும். உத்தியோகத்தில் இருப்பவர்கள் கட்டளை இடும் பதவிகள் கிடைக்க பெறுவார்கள். சக பணியாளர்களின் ஒத்துழைப்பு கிடைக்கும். பெண்களுக்கு திட்டமிட்டபடி காரியங்களை செய்து முடிப்பீர்கள்.

அரசியல்துறையினருக்கு தடை நீங்கி பணிகள் வேகம் பிடிக்கும். கலைத்துறையினருக்கு செல்வாக்கு கூடும். மாணவர்களுக்கு சக மாணவர்களிடமும் நண்பர்களிடமும் கோபப்படாமல் சாதுரியமாக பேசுவது நன்மை தரும்.

பரிகாரம்: பெருமாளுக்கு அர்ச்சனை செய்யுங்கள். நன்மைகள் உண்டாகும்.