ஏப்ரல் மாத எண்கணித பலன்கள் – 6

6, 15, 24 ஆகிய தேதிகளில் பிறந்தவர்களுக்கு

சூழ்நிலைகளை சாதகமாக மாற்றத் தெரிந்த ஆறாம் எண் அன்பர்களே, இந்த மாதம் கொடுத்த வாக்கை காப்பாற்றி அதன் மூலம் மதிப்பும், மரியாதையும் கிடைக்க பெறுவீர்கள். பணவரவு திருப்தி தரும். சிக்கலான சில விஷயங்களை சாதூரியமாக பேசி முடித்து விடுவீர்கள். குடும்பத்தில் நிம்மதி குறையும்படியான சூழ்நிலை உண்டாகும். கணவன், மனைவிக்கிடையே வீண் வாக்குவாதங்கள் ஏற்படலாம். தொழில் வியாபாரத்தில் இருந்த மந்தநிலை மாறி வேகம் பிடிக்கும்.

உத்தியோகத்தில் இருப்பவர்கள் சக பணியாளர்கள் மற்றும் உயர் அதிகாரிகளுடன் ஆலோசனை செய்து முக்கிய முடிவுகள் எடுப்பது நன்மை தருவதாக இருக்கும். பெண்கள் எந்த பிரச்சனையிலும் சாதகமான முடிவை பெறுவீர்கள்.

கலைத்துறையினருக்கு இழுபறியாக இருந்த காரியங்களில் எதிர்பாராத திருப்பம் ஏற்படும். அரசியல்துறையினருக்கு பதவி உயர்வு கிடைக்கும். மாணவர்களுக்கு சக மாணவர்களிடம் சகஜமாக பேசி பழகுவது நல்லது.  

பரிகாரம்: மஹாலக்ஷ்மியை வழிபாடு செய்து வருவதன் மூலம் தடைகள் அகலும்.