தகவல் தொழில்நுட்பத் துறையைச் சோ்ந்த மைண்ட்ட்ரீ நிறுவனம் முதல் காலாண்டில் ரூ.213 கோடி நிகர லாபம் ஈட்டியுள்ளது. பெங்களூரைச் சோ்ந்த அந்த நிறுவனம் இதுகுறித்து செவ்வாய்க்கிழமை பங்குச் சந்தையிடம் மேலும் கூறியுள்ளதாவது:

நடப்பு நிதியாண்டின் ஏப்ரல் முதல் ஜூன் வரையிலான முதல் காலாண்டில் நிறுவனம் ரூ.1,908.8 கோடி வருவாய் ஈட்டியது. இது, கடந்த நிதியாண்டின் முதல் காலாண்டில் ஈட்டிய ரூ.1,834.2 கோடியுடன் ஒப்பிடும்போது 4.1 சதவீதம் அதிகமாகும். நிகர லாபம் ரூ.92.7 கோடியிலிருந்து 129.8 சதவீதம் அதிகரித்து ரூ.213 கோடியைத் தொட்டுள்ளது. நிறுவனத்தின் வா்த்தகம் சுணக்க நிலையிலிருந்து மீண்டதை எடுத்துக்காட்டும் வகையில் முதல் காலாண்டில் சிறப்பான செயல்பாட்டை பதிவு செய்துள்ளது. எனவே, முதல் காலாண்டுடன் ஒப்பிடும்போது இரண்டாவது காலாண்டில் நிறுவனத்தின் வா்த்தக நடவடிக்கைகள் மேலும் சூடுபிடிக்கும் என மைண்ட்ட்ரீ தெரிவித்துள்ளது.