டிஜிட்டல் தளமான ஜியோ பிளாட்ஃபாா்ம்ஸில் அமெரிக்காவைச் சோ்ந்த தனியாா் பங்கு முதலீட்டு நிறுவனமான ஜெனரல் அட்லாண்டிக் ரூ.6,598.38 கோடியை முதலீடு செய்யவுள்ளதாக ரிலையன்ஸ் இண்டஸ்ட்ரீஸ் ஞாயிற்றுக்கிழமை தெரிவித்தது.

இதுகுறித்து ரிலையன்ஸ் மேலும் கூறியுள்ளதாவது:

சா்வதேச பங்கு முதலீட்டு நிறுவனமான ஜெனரல் அட்லாண்டிக் ஜியோ பிளாட்ஃபாா்ம்ஸில் 1.34 சதவீத பங்குகளை கையகப்படுத்தவுள்ளது. இதற்காக, அந்த நிறுவனம் ரூ.6,598.38 கோடியை ஜியோவில் முதலீடு செய்யவுள்ளது.

கடந்த நான்கு வாரங்களுக்கு உள்ளாக மேற்கொள்ளப்படும் நான்காவது கையகப்படுத்துதல் ஒப்பந்தம் இதுவாகும். இந்த நான்கு ஒப்பந்தங்களின் மூலம் ஜியோ ஒட்டுமொத்தமாக ரூ.67,194.75 கோடி முதலீட்டைப் பெற்றுள்ளது என ரிலையன்ஸ் இண்டஸ்ட்ரீஸ் தெரிவித்துள்ளது.