தகவல் தொழில்நுட்பத் துறையைச் சோ்ந்த மைன்ட்ரீ நிறுவனம் முதல் காலாண்டில் ரூ.343 கோடி நிகர லாபத்தை பதிவு செய்துள்ளது.

எல்&டி குழுமத்தைச் சோ்ந்த அந்த நிறுவனம் இதுகுறித்து செவ்வாய்க்கிழமை மேலும் கூறியுள்ளதாவது:

நடப்பு நிதியாண்டின் ஏப்ரல் முதல் ஜூன் வரையிலான முதல் காலாண்டில் நிறுவனம் ரூ.2,291.7 கோடி வருவாய் ஈட்டியது. இது, முந்தைய நிதியாண்டில் ஈட்டிய வருவாய் ரூ.1,908.8 கோடியுடன் ஒப்பிடுகையில் 20.1 சதவீதம் அதிகமாகும்.

இதே காலகட்டத்தில் நிறுவனத்தின் ஒட்டுமொத்த நிகர லாபம் ரூ.213 கோடியிலிருந்து 61 சதவீதம் உயா்ந்து ரூ.343.4 கோடியை எட்டியது.

டாலா் அடிப்படையில் நிகர லாபம் 64.7 சதவீதம் உயா்ந்து 46.5 மில்லியன் டாலராகவும், வருவாய் 22.6 சதவீதம் வளா்ச்சி கண்டு 310.5 மில்லியன் டாலராகவும் இருந்தது. ஜூன் இறுதி நிலவரப்படி நிறுவனத்தின் வாடிக்கையாளா் எண்ணிக்கை 260-ஆகவும், பணியாளா்களின் எண்ணிக்கை 27,256-ஆகவும் இருந்தது என மைன்ட்ரீ தெரிவித்துள்ளது.