பாடலுக்காக 24 மணி நேரம் முத்தம் கொடுத்துக்கொண்ட இம்ரான் - கங்கனா ரனாவத்!

கட்டி பட்டி (Katti Batti) என்கிற ஹிந்திப் படத்தில் இம்ரான் கான் - கங்கனா ரனாவத் ஆகியோர் ஜோடியாக நடிக்கிறார்கள். இந்தப் படத்துக்கான ஒரு பாடலில், லிப் டூ லிப் காட்சி இடம்பெறுகிறது. அது படமாக்கப்பட்ட விதம் தான் இந்திய சினிமாவில் யாரும் கேள்விப்பட்டிராதது.

பொதுவாக இதுபோன்ற காட்சிகளுக்கு அதிக டேக் எடுத்தார்கள் என்றுதான் செய்தி வரும். சமீபத்தில் கூட ஜிவி பிரகாஷ், த்ரிஷா இல்லனா நயன்தாரா படத்துக்காக படமாக்கப்பட்ட லிப் டூ லிப் கிஸ் காட்சிக்கு 36 டேக்குகள் வாங்கினார் என்றொரு செய்தி வெளிவந்தது. ஆனால் லிப் டூ லிப் கிஸியான் என்கிற பாடலை படமாக்கப்பட்டபோது இம்ரானும் கங்கனாவும் ஒட்டுமொத்தமாக 24 மணி நேரம் முத்தம் கொடுத்துக்கொண்டதாக செய்திகள் வெளிவந்துள்ளன.

இந்தியாவிலேயே முதல்முறையாக ஸ்டாப்மோஷன் டெக்னாலஜி, லிப் டூ லிப் கிஸியான் என்கிற பாடலுக்காகப் பயன்படுத்தப்பட்டுள்ளது. இந்தப் பாடலுக்காக தினமும் 8 மணி நேரம் என மொத்தம் மூன்று நாள்களாக இம்ரான் கான் - கங்கனா ரனாவத் பங்கேற்ற முத்தக் காட்சி படமாக்கப்பட்டது என்று படக்குழுவினர் தகவல் தெரிவித்துள்ளார்கள். ஓ காதல் கண்மணி போல இந்தப் படமும் லிவ் இன் உறவு பற்றியது.

நிகில் அத்வானி இயக்கியுள்ள கட்டி பட்டி, செப்டம்பர் 18-ம் தேதி வெளியாகிறது.