250 கோடி பட்ஜெட்டில் உருவான பாகுபலி படம், 300 கோடி வசூலை நெருங்கிக் கொண்டிருக்கிறது. ஒரு தெலுங்குப் படம் இந்தளவுக்கு வசூல் செய்வதை பாலிவுட் உலகம் ஆச்சரியத்துடன் கவனித்துக்கொண்டிருக்கிறது.

இது பற்றி பிரபல பாலிவுட் நடிகர் சல்மான் கான் கூறும்போது:

யாராவது இந்தச் சாதனையை உடைக்கும்வரை இப்போதைக்கு பாலிவுட்டால் இந்த வசூலைப் பெறமுடியும் என்று தோன்றவில்லை. பாகுபலியின் வசூல் விவரங்கள் அச்சுறுத்துகின்றன. பாகுபலி மிக அருமையான படம். ஆனால் பல பாலிவுட் படங்கள் அதிக வசூல் செய்ததாலேயே, பாகுபலியால் இந்தளவு வசூலைப் பெறமுடிந்தது என்றார்.

சல்மான் கானின் பல படங்களில் 150, 200 கோடி ரூபாய் வசூலைப் பெற்றுள்ளன. ஆனால் பாகுபலி, வெளியான 3 நாள்களில் 150 கோடி ரூபாய் வசூலைப் பெற்றது.