கங்னம் என்கிற ஒரே பாடலின் மூலம் உலகளவில் பிரபலமானவர் 37 வயது தென் கொரிய இசைக் கலைஞர் சை. அவருடைய கார் நேற்று சீனாவில் விபத்துக்குள்ளானதாகத் தகவல்கள் வெளியாகியுள்ளன.

சீனாவின் ஹங்சோ நகரில் சிகப்பு ரோல்ஸ் ராய்ஸ் காரில் சை சென்று கொண்டிருந்தபோது சை-யின் கார் பேருந்தில் மோதி விபத்துக்குள்ளானது. இந்த விபத்தில் யாருக்கும் காயம் ஏற்படவில்லை. ஒரு நிகழ்ச்சியில் இருந்து தனது ஹோட்டலுக்கு அவர் சென்று கொண்டிருந்தபோது இந்த விபத்து நிகழ்ந்ததாகக் கூறப்படுகிறது.

தென் கொரியாவின் ராப் இசைக் கலைஞர் சை(Psy) உருவாக்கிய கங்னம் ஸ்டைல் (Gangnam Style) பாடலின் வீடியோ, யூடியூப்பில் இதுவரை அதிக தடவை பார்க்கப்பட்ட வீடியோ என்கிற பெயரைப் பெற்றுள்ளது.