'தில்லுக்கு துட்டு’ வசூல் நிலவரம்! சந்தானம் மகிழ்ச்சி!

சந்தானம் நடிப்பில் ராம்பாலா இயக்கத்தில் சமீபத்தில் வெளியான படம் - தில்லுக்கு துட்டு. இது சந்தானத்துக்குப் பெரிய திருப்புமுனையை ஏற்படுத்தியுள்ளது.

வியாழன் அன்று வெளியான இந்தப் படம் வீக் எண்ட் எனப்படுகிற வெள்ளி, சனி, ஞாயிறு மற்றும் ரம்ஜான் விடுமுறை தினமான வியாழன் என நான்கு நாள்களிலும் சேர்த்து ரூ. 12 கோடி வசூலித்துள்ளது. இது நிச்சயம் பலரும் எதிர்பார்க்காத ஒரு வசூலாகும்.

காமெடி வேடங்களைத் தவிர்த்து தைரியமாக கதாநாயகன் வேடத்தில் நடித்து வரும் சந்தானத்துக்கு இந்தப் படத்தின் வசூல் நிலவரம் பெரிய உத்வேகத்தை அளித்துள்ளது. இனி தொடர்ந்து கதாநாயகனாக நடிப்பதற்கான தன்னம்பிக்கையை இது தந்துள்ளது.