கோடை விடுமுறைக்காக குடும்பத்துடன் அமெரிக்கா சென்றார் ரஜினி!

கபாலி பட வேலைகளை முழுவதுமாக முடித்துவிட்ட ரஜினி தற்போது கோடை விடுமுறைக்காக குடும்பத்துடன் அமெரிக்காவுக்குச் சென்றுள்ளார்.

ஷங்கரின் 2.0 படத்தின் ஒரு ஷெட்யூலை சமீபத்தில் முடித்துக்கொடுத்தார். அடுத்தது ஜூன் மாதத்தில்தான் படப்பிடிப்பு மீண்டும் தொடங்கும். இந்த இடைவெளியில் ஓய்வு எடுக்க குடும்பத்துடன் அமெரிக்காவுக்குப் பறந்துள்ளார். அங்கு இரண்டு வாரங்கள் தங்கி ஜுன் 2-ம் வாரம் முதல் மீண்டும் 2.0 படப்பிடிப்பில் கலந்துகொள்வார் என்று படக்குழுவினர் தெரிவித்தார்கள்.

ரஞ்சித் இயக்கத்தில் ரஜினி நடித்துள்ள கபாலி, ஜுலை 1-ம் தேதி வெளிவருகிறது.