நடிகர் விஷால் மற்றும்  ஆர்யா நடிப்பில் உருவாகியுள்ள படம் எனிமி. இப்படத்தை அரிமா நம்பி, இருமுகன், நோட்டா போன்ற படங்களை இயக்கிய ஆனந்த் சங்கர் இயக்கியுள்ளார்.

ஆர்யாவும் விஷாலும் இதற்கு முன் இயக்குநர் பாலாவின் 'அவன் இவன் ' திரைப்படத்தில் இணைந்து நடித்திருந்தார்கள் . அதிகமும் பேசப்பட்ட அப்படத்திற்கு பின் தற்போது ' எனிமி ' படத்தில் இணைத்திருப்பதாலும் , தற்போது ஆர்யா நடிப்பில் வெளியான சார்பட்டா பரம்பரை படம்  ரசிகர்கள் மத்தியில் கொண்டாடப்படுவதாலும்   இப்படத்திற்கு எதிர்பார்ப்பு உருவாகியுள்ளது

இதில் விஷாலுக்கு ஜோடியாக மிருணாளினியும், ஆர்யாவுக்கு ஜோடியாக மம்தா மோகன்தாஸும் நடிக்கின்றனர்.

படப்பிடிப்பு முழுவதும் நிறைவடைந்த நிலையில் நாளை மாலை 6 மணிக்கு படத்தின் டீசர் வெளியிடப்படும் என படக்குழு அறிவித்திருக்கிறார்கள் .