இசையமைப்பாளர் சந்திரபோஸ் குடும்பத்துக்கு விஷால் நிதியுதவி!

வறுமையில் வாடி வந்த பிரபல இசையமைப்பாளர் சந்திரபோஸ் குடும்பத்துக்கு விஷால் நிதியுதவி அளித்துள்ளார். 

மனிதன், ராஜா சின்ன ரோஜா உள்ளிட்ட 300 படங்களுக்கும் மேலாக இசையமைத்து கவனம் பெற்றவர் சந்திரபோஸ். இவர் 2010-ல் தனது 60-வது வயதில் காலமானார். 

இந்நிலையில் சந்திரபோஸின் குடும்பம் வறுமையில் வாடுவதாக பத்திரிகை ஒன்றில் செய்தி வெளியானது. சந்திரபோஸின் மனைவி ராஜகுமாரி மருத்துவச் செலவுக்குக் கஷ்டப்படுவதை அறிந்த நடிகர் விஷால் உடனே அவர்களை அழைத்து தனது தேவி அறக்கட்டளை மூலமாக நிதியுதவி அளித்துள்ளார்.