சூர்யாவின் அடுத்தப் படத்தை இயக்கும் விக்னேஷ் சிவன்!
இது சூர்யாவின் 35-வது படமாகும். ஹரி இயக்கும் சிங்கம் 3 படத்தில் தற்போது நடித்துவருகிறார்.
விஜய் சேதுபதி, நயன்தாரா நடிப்பில் விக்னேஷ் சிவன் இயக்கிய நானும் ரெளடி தான் சென்ற வருடம் வெளியாகி சூப்பர் ஹிட் ஆனது. அனிருத் இசையமைத்த இப்படத்தை தனுஷ் தயாரித்தார்.
இதற்கு அடுத்ததாக, சூர்யாவை இயக்க உள்ளார் விக்னேஷ் சிவன். இதற்கான அறிவிப்பை ட்விட்டரில் வெளியிட்டார். இந்தப் படத்துக்கும் அனிருத் இசையமைக்கிறார். ஸ்டூடியோ க்ரீன் தயாரிக்கிறது.
இது சூர்யாவின் 35-வது படமாகும். சூர்யா, ஹரி இயக்கும் சிங்கம் 3 படத்தில் தற்போது நடித்துவருகிறார். இதனையடுத்து அவர் விக்னேஷ் சிவன் படத்தில் நடிக்கிறார். கதாநாயகியாக நயன்தாரா அல்லது கீர்த்தி சுரேஷ் நடிக்கக்கூடும் என்று அறியப்படுகிறது.