பாகுபலி புகழ் நடிகர் பிரபாஸின் அடுத்தப் படம் ரூ. 150 கோடியில் உருவாகவுள்ளது. தமிழ், தெலுங்கு, ஹிந்தி ஆகிய மொழிகளில் உருவாகும் இப்படத்துக்கு சாஹூ என்று பெயர் வைக்கப்பட்டுள்ளது.

இது ஒரு ஜேம்ஸ் பாண்ட் படம்போல இருக்கும். ஆனால் உணர்வுபூர்வமான காட்சிகளும் இருக்கும் என்று பட இயக்குநர் சுஜித் கூறியுள்ளார். யூவி கிரியேஷன்ஸ் தயாரிக்கும் இப்படத்துக்கு இசை - ஷங்கர்-இசான்-லாய். பாகுபலி 2 படத்தினிடையே இப்படத்தின் டீசரும் வெளியிடப்படவுள்ளது. 

பெரிய பட்ஜெட் என்பதற்கு உதாரணம்: ஒரே ஒரு சண்டைக்காட்சிக்கு ரூ. 35 கோடி வரை செலவு செய்ய உள்ளார்கள். டை ஹார்ட், டிரான்ஸ்ஃபார்மர்ஸ் போன்ற படங்களின் சண்டை இயக்குநரான கென்னி பேட்ஸ், இப்படத்தில் பணியாற்றுகிறார்.

பாகுபலி 2 படத்துக்கு பிரபாஸ் நடிக்கும் படம் என்பதால் சாஹூ படத்தின் மீது அதிக எதிர்பார்ப்பு உருவாகியுள்ளது.