சமந்தா இதற்காகத்தான் சிலம்பம் கற்றுக்கொள்கிறாரா?

தான் சிலம்பம் கற்றுவருவதாகச் சில நாள்களுக்கு முன்பு ஒரு வீடியோவை வெளியிட்டார் நடிகை சமந்தா. பொதுவாக நடிகைகள் சினிமாவுக்கு உகந்த பல்வேறு கலைகளைக் கற்றுக்கொள்வார்களே தவிர சிலம்பம் போன்ற ஒரு கலையைக் கற்றுக்கொள்வது அரிது. இதனால் சமந்தாவுக்குப் பாராட்டுகள் குவிந்தன.

ஆனால் அவர் சிலம்பக் கலையை சிவகார்த்திகேயனுடன் ஜோடியாக நடிக்கும் படத்துக்காகத்தான் கற்றுக்கொண்டுவருகிறார் என்பது தற்போது தெரியவந்துள்ளது. 

சிவகார்த்திகேயன் நடித்த வருத்தப்படாத வாலிபர் சங்கம், ரஜினிமுருகன் படங்களை இயக்கிய பொன்ராமின் அடுத்தப் படத்தில் சிவகார்த்திகேயனும் சமந்தாவும் ஜோடியாக நடிக்கிறார்கள். அதற்காகத் தற்போது தீவிரமாக சிலம்பம் கற்றுவருகிறார் சமந்தா.

மோகன்ராஜா இயக்கத்தில் சிவகார்த்திகேயன் வேலைக்காரன் என்கிற படத்தில் நடித்துவருகிறார். இதற்குப் பிறகு சிவகார்த்திகேயன் - பொன்ராம் படம் தொடங்கும் என எதிர்பார்க்கப்படுகிறது.