சிவகார்த்திகேயன், நயன்தாரா, ஃபகத் பாசில் நடிப்பில் மோகன் ராஜா இயக்கி வரும் படம் - வேலைக்காரன். 24ஏம் ஸ்டூடியோஸ் நிறுவனம் இப்படத்தை தயாரிக்கிறது. இந்தப் படம் செப்டம்பர் 29 அதாவது ஆயுத பூஜை அன்று வெளிவரவுள்ளது.

இந்நிலையில் நடிகர் ஃபகத் ஃபாசில் குறித்து 24ஏம் ஸ்டூடியோஸைச் சேர்ந்த தயாரிப்பாளர் ஆர்டி ராஜா ட்விட்டரில் கூறியதாவது:

மிகவும் ஊக்கமளிக்கும், கடுமையான உழைக்கும் ஆர்வம் உள்ள ஒரு நடிகர் - ஃபகத் ஃபாசில். எதையும் மிகச்சரியாகச் செய்யக்கூடியவர். அவரை எண்ணி பெருமைப்படுகிறேன். வேலைக்காரன் படத்தின் மூலமாக அவர் நம்மை ஆச்சர்யப்படுத்துவார் என்று கூறியுள்ளார்.