கோலமாவு கோகிலா: நயன்தாராவின் புதிய படம்!

லைக்கா நிறுவனம் தயாரிக்கும் படத்தில் கதாநாயகியாக நடிக்கிறார் நயன்தாரா. இதுபற்றிய அறிவிப்பு இன்று வெளியாகியுள்ளது.

கதாநாயகிக்கு முக்கியத்துவம் உள்ள இந்தப் படத்தை நெல்சன் இயக்குகிறார். இசை - அனிருத். இந்தப் படத்துக்குக் கோலமாவு கோகிலா (கோகோ) என்று பெயரிடப்பட்டுள்ளது.

இந்தப் படம் தவிர அறம், வேலைக்காரன், இமைக்கா நொடிகள், கொலையுதிர் காலம் ஆகிய தமிழ்ப் படங்களிலும் நடித்துவருகிறார் நயன்தாரா. இதுதவிர 2 தெலுங்குப் படங்கள், ஒரு மலையாளப் படம் என தொடர்ச்சியாக மூன்று மொழிகளிலும் நடித்து வரும் நயன்தாராவுக்கு 2017, 2018 ஆகிய இரு வருடங்களிலும் ஏராளமான படங்கள் வெளியாகவுள்ளன.