பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவான படம் - 'பாகுபலி தி கன்க்ளூஷன்’ (பாகுபலி 2). ரூ. 1500 கோடிக்கும் அதிகமாக வசூல் செய்துள்ளது.
ஏப்ரல் 28 அன்று வெளியான பாகுபலி 2, இந்தியாவில் மட்டும் 9,000 திரையரங்குகளில் வெளியானது. இந்தியத் திரையுலகில் வேறெந்தப் படமும் இத்தகைய சாதனையைச் செய்ததில்லை. வெளியான அனைத்து மொழிகளிலும் பல கோடி வசூலை அள்ளியது.
இந்நிலையில் இந்தப் படம் ஜப்பானில் வெளியாகத் தயாராகிவிட்டது. அங்கு யு சான்றிதழ் பெற்றுள்ள பாகுபலி 2, டிசம்பர் 29 அன்று வெளியாகவுள்ளது. உலகமெங்கும் வசூலை அள்ளிய பாகுபலி 2, ஜப்பானில் எந்தளவுக்கு வசூல் செய்யப்போகிறது?