கதாநாயகியாக அறிமுகமாகும் நடிகை லிசியின் மகள் (படங்கள்)

இயக்குநர் பிரியதர்ஷன் - நடிகை லிசியின் மகள் கல்யாணி திரைப்படத்தில் கதாநாயகியாக அறிமுகமாகவுள்ளார்.

தமிழிலோ மலையாளத்திலோ அல்ல, தெலுங்கில்.

24 பட இயக்குநர் விக்ரம் குமாரின் அடுத்தப் படத்தில் கல்யாணி கதாநாயகியாக அறிமுகமாகவுள்ளார். நாகார்ஜூனாவின் மகன் அகில் கதாநாயகனாக நடிக்கிறார். இத்தகவலை விக்ரம் குமார் உறுதிப்படுத்தியுள்ளார். 

மகளின் அறிமுகம் குறித்து லிசி ஒரு பேட்டியில் கூறியதாவது: பெற்றோர் இருவரும் திரைத்துறையில் உள்ளதால் மகள் எப்படியும் நடிகையாவாள் என்று முன்பே தெரியும். அமெரிக்காவிலிருந்து படிப்பு முடித்து திரும்பியபிறகு நடிக்கவேண்டும் என்பதில் அவர் உறுதியாக இருந்தாள் என்று கூறியுள்ளார்.