நடிகை ஷோபனாவுக்கு விரைவில் திருமணம் நடைபெறவுள்ளதாகச் செய்திகள் வெளியாகியுள்ளன.

1984ம் வருடம் ஏப்ரல் 18 என்கிற மலையாளப் படம் மூலமாகத் திரையுலகுக்கு வந்தவர் நடிகை ஷோபனா. இவர் தமிழில் நடித்த முதல் படம், மங்கள நாயகி. 84-ல் கமலுக்கு ஜோடியாக எனக்குள் ஒருவன் படத்தில் நடித்தார். ஷோபனா, சென்னையில் பரதநாட்டியப் பள்ளி ஒன்றை நடத்திவருகிறார். 

ஷோபனா 2001-ல் ஒரு பெண் குழந்தையைத் தத்தெடுத்தார். இத்தனை ஆண்டுகாலமாகத் திருமணம் செய்யாமல் இருந்த ஷோபனா, தற்போது தன் குடும்ப நண்பர் ஒருவரை விரைவில் திருமணம் செய்யவுள்ளதாகச் செய்திகள் வெளியாகியுள்ளன. 

எனினும் இச்செய்தி குறித்து ஷோபனா இதுவரை அதிகாரபூர்வமாக எதுவும் தெரிவிக்கவில்லை.