பாகுபலி 2 படத்தின் வசூல் நிலவரம் நாளுக்குநாள் ஆச்சர்யங்களை அளித்துவருகிறது.

தமிழில் பெரிய நடிகர்களின் படங்கள் ரூ. 100 கோடியைத் தொடுவது சாதனையாக இருக்கிற பட்சத்தில் பாகுபலி 2 படம், விரைவில் ரூ. 100 கோடி என்கிற உச்சத்தை அடையவுள்ளது.

சமீபத்திய தகவலின்படி இதுவரை ரூ. 80 கோடியை தமிழ்நாட்டில் எடுத்துள்ளது பாகுபலி 2. இதில் பெரும்பங்கு தமிழ் பாகுபலி 2-வுக்கு உரியது. எனவே இதேவேகத்தில் சென்று, இன்னும் நான்கு நாள்களில்  ரூ. 100 கோடியை அடைந்துவிடும் என எதிர்பார்க்கப்படுகிறது.

உலகளவில் ரூ. 1000 கோடி வசூல் என்பது எத்தகைய சாதனையோ அதேபோல தமிழ்நாட்டில் பாகுபலி 2, ரூ. 100 கோடியைத் தொடுவதும் அதற்கு நிகரான சாதனைதான்.

பிரபாஸ், ராணா டகுபதி, அனுஷ்கா, தமன்னா, சத்யராஜ், ரம்யா கிருஷ்ணன் போன்றோர் நடிப்பில் தெலுங்கு, தமிழ், மலையாளம், ஹிந்தி ஆகிய மொழிகளில் உருவாகியுள்ள படம் - 'பாகுபலி தி கன்க்ளூஷன்’ (பாகுபலி 2). ஏப்ரல் 28 அன்று வெளியான பாகுபலி 2, இந்தியாவில் மட்டும் 9,000 திரையரங்குகளில் வெளியானது.