18 வருடங்களுக்கு முன்பு, 1998-ம் வருடம் பாலிவுட் நடிகை மலாய்கா அரோரா - அர்பாஸ் கான் ஆகியோருக்குத் திருமணம் நடைபெற்றது. இத்தம்பதியருக்கு 14 வயது மகன் உள்ளார். (மலாய்கா, மணிரத்னத்தின் உயிரே படத்தில் இடம்பெற்ற தைய்யா தைய்யா பாடலில் ஷாருக் கானுடன் இணைந்து நடனமாடியவர்.) 

43 வயது மலாய்காவும் சல்மான்கான் சகோதரரான 49 வயது அர்பாஸும் கடந்தவருடம் ஏற்பட்ட கருத்து வேறுபாடு காரணமாக, இருவரும் சுமூகமாக பிரிவது என்று முடிவு செய்தார்கள். பாந்திரா குடும்ப நல நீதிமன்றத்தில் பரஸ்பரம் விவாகரத்து கேட்டு மனுத்தாக்கல் செய்தனர். மனமொன்றி இருவரும் பிரிய விரும்புவதாகவும், எங்களுக்கு விவாகரத்து வழங்க வேண்டும் என்று மனு அளித்தார்கள்.

இதையடுத்து மலாய்கா - அர்பாஸ் ஆகியோருக்குப் பரஸ்பரம் விவாகரத்து வழங்கி, நீதிமன்றம் உத்தரவிட்டுள்ளது.