இந்த வாரன் நான்கு தமிழ்ப் படங்கள் வெளியாகின்றன. 

இமைக்கா நொடிகள், 60 வயது மாநிறம், ஆருத்ரா, அண்ணனுக்கு ஜே.

ஆகஸ்ட் 30 அன்று இமைக்கா நொடிகளும் அடுத்த நாளன்று இதர மூன்று படங்களும் வெளியாகின்றன. 

நயன்தாரா, அதர்வா, ராஷி கண்ணா உள்ளிட்ட பலர் நடிப்பில் அஜய் ஞானமுத்து இயக்கத்தில் உருவாகியுள்ள படம் ‘இமைக்கா நொடிகள்’. இந்தப் படத்தில் பாலிவுட் நடிகர் அனுராக் காஷ்யாப் வில்லனாக நடித்துள்ளார். ‘ஹிப் ஹாப் தமிழா’ இசையமைத்துள்ளார். ஆர்.டி.ராஜசேகர் ஒளிப்பதிவு செய்ய படத்தை கேமியோ பிலிம்ஸ் தயாரித்துள்ளது.

தாணு தயாரிப்பில் ராதா மோகன் இயக்கத்தில் உருவாகியுள்ள படம் - 60 வயது மாநிறம். இந்தப் படத்துக்கு இளையராஜா இசையமைத்துள்ளார். பிரகாஷ் ராஜ், விக்ரம் பிரபு, சமுத்திரக்கனி போன்றோர் நடித்துள்ளார்கள். விஜி வசனத்தில் உருவாகியுள்ள இப்படத்துக்கு பா. விஜய், பழனி பாரதி, விவேக் ஆகியோர் பாடல்கள் எழுதியுள்ளார்கள்.

இயக்குநர் வெற்றிமாறனும் ஃபாக்ஸ் நிறுவனமும் இணைந்து தயாரித்துள்ள படம் - அண்ணனுக்கு ஜே. தினேஷ், மஹிமா நம்பியார் நடித்துள்ள இப்படத்தை ராஜ்குமார் இயக்கியுள்ளார். 

பாடலாசிரியர் எழுதி, இயக்கி, நடித்து, தயாரித்துள்ள படம் - ஆருத்ரா. இசை - வித்யாசாகர்.