அட்லி இயக்கத்தில் விஜய் நடிப்பில் வெளியாகியுள்ள படம் - மெர்சல். இப்படத்தில் இடம்பெற்றுள்ள ஜிஎஸ்டி தொடர்பான வசனங்களுக்கு பாஜக கட்சித் தலைவர்கள் கடும் ஆட்சேபம் தெரிவித்தார்கள். மெர்சல் படத்தில் மருத்துவர்களைப் பற்றி உண்மையற்ற, மலிவான காட்சிகள் இடம்பெற்றிருப்பதாக மருத்துவர்கள் சங்கமும் கண்டனம் தெரிவித்தது. இதனால் பெரும் சர்ச்சை உருவானது. எனினும், மெர்சல் படத்தின் வசூல் ரூ. 250 கோடியைத் தாண்டியுள்ளதாகக் கூறப்படுகிறது.

இந்நிலையில் சூப்பர் ஹிட் படமான மெர்சல், வருகிற ஜனவரி 14 பொங்கல் தினத்தன்று மாலை 4 மணிக்கு ஜீ தமிழ் தொலைக்காட்சியில் ஒளிபரப்பாகிறது. 

இன்னமும் சில திரையரங்குகளில் ஓடிக்கொண்டிருக்கும் மெர்சல் படம் இவ்வளவு விரைவாக தொலைக்காட்சியில் ஒளிபரப்பாவது ரசிகர்களை ஆச்சர்யப்படுத்தியுள்ளது.